കീഴാറ്റൂർ: കേരള വ്യാപാരി വ്യവസായി ഏകോപന സമിതിയുടെ സംസ്ഥാന പ്രസിഡന്റായി ദീർഘകാലം പ്രവർത്തിച്ച ടി. നസ്റുദീന്റെ സ്മരണാർഥം പെരിന്തൽമണ്ണ മാർക്കറ്റിലെ നിർധന വ്യാപാരിക്ക് പെരിന്തൽമണ്ണ മർച്ചന്റ്സ് അസോസിയേഷൻ നിർമിച്ചു നൽകിയ വീട് സമർപ്പിച്ചു. ഇത്തരത്തിലുള്ള രണ്ടാമത്തെ വീടാണിത്.
സ്നേഹ ഭവനത്തിന്റെ താക്കോൽദാനം കേരള വ്യാപാരി വ്യവസായി ഏകോപന സമിതി സംസ്ഥാന വർക്കിംഗ് പ്രസിഡന്റ് പി. കുഞ്ഞാവുഹാജി നിർവഹിച്ചു.
പെരിന്തൽമണ്ണ ബ്ലോക്ക് പഞ്ചായത്ത് പ്രസിഡന്റ് അഡ്വ. നജ്മ തബ്ഷീറ യോഗം ഉദ്ഘാടനം ചെയ്തു. മർച്ചന്റ്സ് അസോസിയേഷൻ പ്രസിഡന്റ് പി.ടി.എസ്. മൂസു അധ്യക്ഷത വഹിച്ചു. മർച്ചന്റ്സ് അസോസിയേഷൻ മുതിർന്ന വ്യാപാരികൾക്കുള്ള പെൻഷൻ പദ്ധതിയുടെ ഉദ്ഘാടനവും ചടങ്ങിൽ നടത്തി.
കീഴാറ്റൂർ ഗ്രാമപഞ്ചായത്ത് വാർഡ് അംഗം ഇർഫാന ഷെറിൻ, മർച്ചന്റ്സ് അസോസിയേഷൻ ജനറൽ സെക്രട്ടറി സി.പി. മുഹമ്മദ് ഇക്ബാൽ, ട്രഷറർ ലത്തീഫ് ടാലന്റ്, ചമയം ബാപ്പു, ഷാലിമാർ ഷൗക്കത്ത്, യൂസഫ് രാമപുരം, ലിയാക്കത്തലിഖാൻ, കെ.പി. ഉമ്മർ, പി.പി. സൈതലവി, വാര്യർദാസ്, ഗഫൂർ വള്ളൂരാൻ, ഹാരിസ് ഇന്ത്യൻ, ഒമർ, ഇലക്ട്രോ റഷീദ്, കാജാമൂഹിയുദീൻ, ഇബ്രാഹിം കാരയിൽ, ജമീല ഇസുദീൻ, റഷീദ ഡാലിയ തുടങ്ങിയവർ പ്രസംഗിച്ചു.